Од 2 до 7 ноември 2025 година во Сиднеј, Австралија, се одржа 4-тиот Конгрес на IndustriALL Global Union, кој ги обедини повеќе од илјада делегати од речиси сто земји. На Конгресот присуствуваше и делегација од СИЕР, предводена од Игор Ѓерасов.

Конгресот беше отворен со традиционални изведби на народите Гадигал и Маори, симболизирајќи единство, почит и солидарност. Лидерите на глобалното синдикално движење упатија силни пораки за заштита на работничките права, борба против нееднаквоста и потребата од организирање за праведна иднина.
Новoизбран претседател на IndustriALL Global Union е Christiane Benner а генерален секретар е повторно Atle Høie.


Австралискиот премиер Ентони Албанезе истакна дека „никој не смее да биде оставен зад себе“, поддржувајќи ги вредностите на достоинствен труд и социјална правда.
Делегацијата на СИЕР активно учествуваше во пленарните сесии и дебатите за акциониот план, придонесувајќи кон глобалните напори за подобри услови за работниците. Учеството на СИЕР ја зацврсти посветеноста на синдикатот кон меѓународната солидарност и пренесување на добрите практики во Македонија.





