Синдикатот на индустрија, енергетика и рударство на Македонија – СИЕР потпиша договор за соработка со бугарскиот синдикат „Металици“, како носител на проектот, заедно со синдикатите од Србија и Романија.
СИЕР, заедно со металските синдикати од Србија, Бугарија и Романија, е партнер во заедничкиот проект META-SOCIAL +, одобрен од Европската Унија, кој има за цел зајакнување на капацитетите и улогата на работничките претставници во металната индустрија.
Првата работна средба се одржа во Прилеп, во периодот од 23-25.04.2026 година. Во рамките на средбата се разви конструктивна и позитивна дискусија, проследена со излагања насочени кон унапредување на социјалниот дијалог и синдикалното делување.
Воедно, беше реализирана и посета на Мермерен комбинат Прилеп, каде вработените се долгогодишни членови на СИЕР, што претставува значаен пример за синдикално организирање и соработка.





