Соочени со безизлезната состојба и долгогодишната агонија, работниците од Еурокомпозит „11.Октомври„ од Прилеп дојдоа во Скопје за да го изразат своето незадоволство со мирен протест пред Владата на РМ, во која гледаат сопстевник на претпријатието, кое е во целосна државна сопстевност.

Еурокомпозит „11.Октомври„ е едно од последните четири претпријатија-„загубари„. Работниците немаат здравствена заштита долги години, поради тоа што не им се платени придонесите од плата. Нето плати добиваат во вид на аванси, но со задоцнување, така што до сега побаруваат вкупно 9 плати (шест од 2013 и три од оваа година). Обезбеденоста со работа е многу слаба, тие се на принуден одмор, а во фабриката е исклучена и струјата поради неплатени долгови, така што нема ниту услови за работа и кога би се обезбедила.

Работниците дојдоа пред владата да ги прашаат најодговорните до кога ќе трае нивната агонија. Тие дојдоа да побараат трајно решение за својот и статусот на фабриката, која е специјализирана за наменско производство. Доколку, пак не е можно да се најде решение, тие бараат да се прошири важност на законот за метеријално обезбедување на работниците од претпријатијата со доминантна државна сопственост, за да може да бидат опфатени со неговите одредби, па на тков начин да им се реши барем социјалниот статус.

Претставници на СИЕР и работниците беа примени на разговор со заменикот-министер за економија Кристијан Делев, претседателот на управниот одбор на претпријатието, Климент Шеќероски, советникот на премиерот Влатко Илиевски и новоназначениот директор на Еурокомпозит „11.Октомври„ Марјан Додовски (кој сéуште не стапил на должност). Тие уште еднаш ги нотираа барањата и укажувањата на работниците, согласувајќи се дека ваквата состојба е тешка и неповолна.

Нов тендер за продажба бил штотуку распишан, а по нивно уверување, има и заинтересирани потенцијални купувачи. Но тендерот ќе биде отворен два месеци, така што претставниците на работниците побараа некои итни интервенции во врска со исплата на плата и регулирање на здравственото осигурување веднаш. Ваквото барање ќе биде изнесено на седницата на Владата наредната недела, по што, според кажувањето на владините претставници, ќе има соодветни одговори по барањата.

На 17.март одржаа одвоени седници најпрво Претседателството, а потоа Советот на СИЕР.

17.Седницата на Претседателството се одржа во АрцелорМиттал во Скопје. На седницата се дискутираше за кандидатурите за претседател на ССМ во рамките на подготовките за одржување на 19.Конгрес на Сојузот, со оглед дека согласно Статутот на СИЕР Претседателството утврдува кандидат од предложените можни кандидати за избор во повисоките облици на здружување.

Претседателството на СИЕР, по исцрпните дискусии, со мнозинство гласови ја поддржа кандидатурата на др.Симон Сиљановски за претседател на ССМ.

Советот на СИЕР ја одржа својата 6.седница истиот ден. На дневен ред беа Извештајот за материјално-финансикото работење на СИЕР во претходната година, планирани активности за оваа година, планот за приходи и расходи за 2015, како и донесување одлуки во врска со учество на 19.Конгрес на ССМ.

Советот на СИЕР едногласно го усвои Извештајот за материјално-финансиското работење и ги потврди финансиските резултати од претходната година. Членовите на Советот немаа забелешки ниту на Планот за приходи и расходи и Палнот за активности во 2015 година.

Во врска со учеството на 19.Конгрес на ССМ, членовите на Советот беа информирани за одлуката на Претседателството во врска со кандидатурите за претседател на ССМ и ја поддржаа истата. Потоа Советот расправаше за бројот и структурата на делегатите од СИЕР за конгресот, како и за членовите на Советот и Надзорниот одбор на ССМ од СИЕР во наредниот состав. Согласно критериумите утврдени во Сојузот на Синдикатите, СИЕР има право на 8 делегати за 19.Конгрес, во наредниот состав на Советот на ССМ ќе биде претставен со тројца членови, а ќе има и член на Надзорниот одбор на ССМ.

Денес, 25.12.2014 год. работниците од претпријатијата-загубари ЕМО Охрид и Еурокомпозит, Прилеп дојдоа на протест во Скопје. Работниците се незадоволни поради тоа што побаруваат повеќе неисплатени плати (вработените во капитално-поврзаните друштва на ЕМО побаруваат 30-40 плати, додека работниците од 11 Октомври Еурокомпозит побаруваат 9 плати) немаат здравствено осигурување, а не гледаат ниту иднина бидејќи нивните претпријатија немаат обезбедено работа. Во исто време нема ниту тендери за продажба на овие државни претпријатија , а на повеќето претходно распишани тендери не се јавија заинтересирани купувачи.

На 24.12.2014 год. Советот на СИЕР ја одржа својата 5-та Седница. Членовите на советото расправаа за работењето на органите и телата на СИЕР во текот на годината и го усвоија Извештајот за работењето на СИЕР во годината што изминува.

Претседателот на СИЕР Пецо Ристески и генералниот секретар Маре Анчева остварија средба со рударите од Рудникот Тораница на 12.11.2014, и со рударите од Рудникот Злетово на 14.11.2014 година. Рударите од двата рудника во сопственост на компанијата Индо Минерали и Метали изразија незадоволство од доцнењето на платите и нивна исплата во два дела, неисплатениот регрес за годишен одмор, нередовната и недоволна набавка на заштитни средства и т.н. Злетовските рудари особено го нагласија незадоволството од непримерниот однос на поедини раководители кон работниците и изрекување дисциплински и парични казни без никаков писмен документ.

Поради тоа што проблемите се провлекуваат подолго време, Синдикалните одбори на Злетово и на Тораница на 14.11.2014 година донесоа одлуки за стапување во штрајк на 2.12.2014 година заради остварување на следните барања:

- исплата на платата во целосен износ и во законски определените рокови, а платата за октомври најдоцна до 30.11.2014 година;

- исплата на регресот за годишен одмор до крајот на календарската година;

- набавка на квалитетни заштитни средста навремено и во потребни количини.

Исто така, како барање се поставува и сведување на работното време во рудникот Злетово во законски дозволените рамки, како и усогласување на превозот на рударите со распоредот на работното време. Особено во овој рудник се потенциора и барањето за поправање на односот на поедини раководители спрема рударите и почитување на личност аи достоинството на секој, како и потребата процесот на казнување, парично или дисциплински, да се одвива во рамки на закон и колективен договор.

 На 14.ноември претседатело тна СИЕР Пецо Ристески и генералниот секретар Маре Анчева присуствуваа на синдикалнот Собрание на Голдмак Радовиш. Собранието се одржа во услови на најавен штрајк поради неисплатени плати за работниците и целосна неизвесност за судбината на друштвото, со оглед дека подолго време нема никаква комуникација со сопствениците на капиталот.

 Во Голдмак сите членови на синдикатот го сочинуваат синдикалното Собрание. Иако тие добија само усмени пораки од сопствениците, пренесени преку оперативниот директор Басаровски, сепак одлучија да го одложат најавениот штрајк за уште една недела, надевајќи се на позитивна разрешница.

Во нивно име СИЕР уште еднаш се обрати до сопствениците, извршниот директор и членови на одборот на директори со најава дека штрајкот ќе започне на 24.ноември доколку до крајот на оваа недела не се исполнат поставените барања за исплата на две плати и остварување средба со релевантни претставници на работодавачот.