На 20.септември во хотел Метропол во Охрид се одржа 16.Конгрес на СИЕР.

На конгресот присуствуваа 95 делегати од синдикалните организации на СИЕР, како и домашни и странски гости.

Конгресот го поздравија: министерката за труд и социјална политика Фросина Ташева Ременски; помошничката на генералниот секретар на IndustriALL-Global Union Моника Кемперле; претседателката на Синдикатот на метална и електроиндустрија на Словенија Лидија Јеркич; претседателот на синдикатот Металици од Бугарија Васил Јаначков и претседателот на Организацијата на работодавачи на Македонија Ангел Димитров. 

Во работниот дел, делегатите на Конгресот расправаа за конгресните документи и усвоија: Извештај за работата на СИЕР и неговите органи и тела, како и Извештај за финансиското работење во претходниот петгодишен период; Програма за работа во наредниот петгодишен период; Измени и дополнувања на Статутот на СИЕР и усвоија 5 резолуции (сите видливи во делот ДОКУМЕНТИ на овој сајт). 

 Делегатите повторно го избраа Пецо Ристески за претседател на СИЕР и Маре Анчева за генерален секретар на СИЕР. Избрани се Претседателство на СИЕР, Надзорен одбор и Статутарна комисија на СИЕР (во состави објавени во делот ОРГАНИ на овој сајт).

       На 20.09.2016 год. во Охрид ќе се одржи 16 конгрес на СИЕР  на кои ќе земат учество 104  делегати и поканети гости од земјата и странство.

    На Конгресот ќе се усвојат извештаите за работа во претходниот период, измени и дополнувања на Статутот на СИЕР и Програма  за делување во наредниот мандатен период.

    Конгресот ќе избере нови раководни органи: претседател, генерален секретар, членови на Претседателство, Надзорен одбор и Статутарна комисија.

 

Мадс Лунд е човекот кој ја започна соработката со СИЕР пред речиси петнаесет години. Тој беше дел од меѓународното одделение на 3Ф и работеше со повеќе синдикати од Источна и Југоисточна Европа.
Мадс е најзаслужен што помеѓу 3Ф и СИЕР се разви длабока, пријателска и пред се плодоносна соработка во изминатиот период. Проекти кои ги спроведувавме билатерално, или пак проекти со поддршка од ЕУ, се редеа еден по друг. Многу членови на органите на СИЕР имаа можност да ја посетат Данска во рамките на таа соработка, но и многу дански колеги доаѓаа во Македонија, на обострано задоволство.
Но, како што природно се случува, нашиот драг пријател Мадс ги исполни условите за заминување во пензија, ги предаде задолженијата на помладите колеги и ги заврши своите работни обврски. Сепак, вети дека нема сосем да се откаже од активностите и дека, ако не службено, тогаш приватно пак ќе ја посетува Македонија.
Во знак на признание и благодарност за досегашната соработка, СИЕР органзираше проштална вечера воп негова чест. На истата беа поканети и колегите од Синдикатот на металците на Србија, со кој ги остваривме последните два проекти со поддршка на ЕУ. СИЕР и СМС на драгиот колега му подарија плакета и златник со ликот на просветителите Св.Кирил и Методиј, како симболичен показател дека и Мадс Лунд за нашите синдикати имаше значителна просветителска улога. Сите му посакавме добро здравје и долго уживање во пензионерските денови.

 

Во периодот од 18-20 јуни во Охрид се одр`а семинар по безбедност и здравје при работа. Учествуваа претставници по безбедност и здраје и синдикални претставници од СИЕР, како и од синдикатот ЗФ од Данска, со кои СИЕР има долгогодишна успешна соработка.

Тема на семинарот беше регулативата од областа на безбедност и здравје при работа во Мкедонија и во Данска, учеството на претставниците на работниците во процесот на проценка на ризик, како и меѓународните стандарди ИСО и ОХСАС кои предвидуваат воведување строги безбедносни процедури и практики.

Предавачи беа Лидија Атанасовска инжењер по безбедност при работа и Јона Клинт, претставник на работниците по безбедност  од Данска.

Во текот на семинарот учесниците имаа можност да научат што треба да знае секој претставник на работниците во врска со проблематиката, да се запознаат со стандардите и предвидените процедури,  а со тоа и да проценат колку во нивното претпријатие истите се остваруваат и почитуваат. Исто така семинарот преставуваше можност за размена на мислења, искуства и практики меѓу македонските и данските колеги. На крајот беше неизбежна констатацијата дека во Македонија постојат законски и други регулативи кои речиси не се разликуваат од данските, но во имплементацијата на истите кај нас работите прилично заостануваат.

Претставниците на работниците по безбедност, како и синдикалните претставници кои учествуваа на семинарот на крајот зедоа обврски секој во својата средина да примени барем дел од сознанијата стекнати на семинарот и со тоа да придонесе за правење чекор напред во остварувањето на законските норми и почитување на стандардите во нивните претпријатија.

На ниво на СИЕР се создава потреба од создавање на посебна Комисија по безбедност и здравје и мрежа на претставниците на работниците, за да можат тие постојано и редовно да комуницираат помеѓу себе, да разменуваат искуства и позитивни практики за да може побрзо да се постигнат стандардите и да с исполнат барањата од законот, во услови кога претпријатијате се на различни нивоа на остварување на истите. Учесниците на семинарот се обврзаа да ја формираат мрежата на еден од електронските канали за комуникација, а со помош на СИЕР да остваруваат и физички редовни средби и комуникација со што ќе се придонесе за нивно поуспешно работење и остварување на улогата претставник на вработените.

Mинатата недела во Охрид се одржаа Петтите работнички спортски игри на СИЕР.

Оваа година бројот на учесници беше рекорден -325 од 16 екипи.

Натпреварите се одржуваа во следните дисциплини:

-    Мал фудбал (мажи)

-    Пикадо (жени)

-    Пинг-понг (мажи и жени)

-    Шах

-    Слободни фрлања (тројки) (мажи и жени)

-    Влечење јаже (мажи и жени) 

Екипи во разни дициплини имаа синдикалните организации на Фени индустри, АрцелорМиттал,

Факом, Југохром Фероалојс, Макстил, Вабтек МЗТ, Р. Кончар-Контактори и релеи, Рафинерија Окта,

Производдство на топлина БЕГ, Рудник САСА, ИММ Рудник Злетово, ИММ Рудник Тораница,

Леарница МЗТ, ЛТХ Леарница, МРТ и Таб-Мак.

Бројот на учесничките сеуште е инфериорен во однос на учесниците, но од година во година

нивниот број се зголемува. На петтите работнички спортски игри учествуваа 52 учеснички (во 10 од

екипите) и 273 учесници.

Игрите поминаа во најдобра атмосвера, на терените се водеа спортски и бескомпромисни борби,

но дружењето и меѓусебното запоснавање беше најпопуларна дисциплина.

На најсупешните им беа доделени заслужените пехари, како во екипна така и во поединечна

конкуренција.

По дисциплини, пехари освоија:

ФУДБАЛ:   

 1. место – Југохром Фероалојс

 2. место – ИММ Рудник Злетово

 3. место – Факом

Најдобар стрелец беше Јовица Столевски (Југохром

Фероалојс) а најдобар фудбалер на турнирот во кој

се натпреваруваа 12 екипи беше Јовица Столевски,

исто така од победничката екипа

          
ШАХ:        

1.место – МРТ

2.место – Макстил

3.место – ЛТХ Леарница

Во поединечна конкуренција најдобри резултати покажаа:

1.    место – Вангел Гудов ( МРТ)

2.    место – Зоран Стојановски (Макстил)

3.    место – Абдул Али (МРТ)

СЛОБОДНИ ФРЛАЊА (ТРОЈКИ) (жени):

1.место - ЛТХ Леарница

2.место – Рудник САСА

3.место – МРТ

Во поединечна конкуренција најдобри беа:

1.    Катерина Новакова (Рудник САСА)

2.    Марина Митреска (МРТ)

3.    Светлана Илиевска (ЛТХ Леарница)

СЛОБОДНИ ФРЛАЊА (ТРОЈКИ) (мажи):

1.место – Р.Кончар Контактори и релеи

2.место – Производство на топлеина БЕГ

3.место – Факом

А поединечно пласманот беше:

1.место – Александар Крстевски (Макстил)

2. место – Ласте Каленџиоски (Факом)

3,место – Митре Крстев (Р.Кончар Контактори и релеи)

ПИНГ-ПОНГ (мажи)

1.место – Рудник САСА

2.место – Производство на топлина БЕГ

3.место – АрцелорМиттал

Поединечен пласман:

1.место – Драган Михајлов (Производство на топлина БЕГ)

2.место – Перо Веселиновски (Рудник САСА)

3.место – Стевчо Ристовски (Рудник САСА)

ПИНГ-ПОНГ (жени)

1.место - Р.Кончар Контактори и релеи

2.место – Рудник САСА

3.место – ФЕНИ Индустри

Поединечен пласман:

1.место – Марија Цветковска (Р.Кончар Контактори и релеи)

2.место – Мери Кицовска (Макстил)

3.место – Катерина Новакова (Рудник САСА)

ПИКАДО (жени):

1.место – Рудник САСА

2.место – МЗТ Леарница

3.место - Р.Кончар Контактори и релеи

Поединечен пласман:

1.место – Маја Захариевска (Рудник САСА)

2.место – Марина Милошевска (Рафинерија ОКТА)

3.место – Билјана Ацевска (Р.Кончар Контактори и релеи)

ВЛЕЧЕЊЕ ЈАЖЕ (мажи)

1.место – ФЕНИ Индустри

2.место – Рудник САСА   

3.место – Макстил

 

 

ВЛЕЧЕЊЕ ЈАЖЕ (жени)  

1.место - Р.Кончар Контактори и релеи

2.место – МРТ

3.место – Рудник САСА

 

 

Пехарот за фер-плеј го доби екипата на Рудникот Тораница

 

 

 

 

 

Петтите Работнички спортски игри завршија со заедничка свечена вечера и забава, откако претседателот Пецо Ристески ги прогласи игрите за затворени.

Претседателството на СИЕР ја одржа својата осумнаеста седница на 22 април. На дневен ред на седницата беше информацијата во врска со одлуките поврзани со одржување на 19 Конгрес на Сојузот на синдикатите на Македонија, како и донесување одлука за организирање на петтите по ред работнички спортски игри на СИЕР.

СИЕР има свои членови во Советот на ССМ, кои на 21 април ги донесе  најважните одлуки поврзани со одржувањето на 19 Конгрес на ССМ. Тие го информираа Претседателството за текот на седницата и за донесените одлуки, изразувајќи го меѓу другото, и своето неслагање, но и незадоволство во врска со начинот на донесување на одлуките. Тие информираа како дошло тоа Советот  на ССМ да го утврди Живко Митревски за единствен кандидат за претседател на престојниот конгрес и како конгресот е закажан за 21 мај, откако бил променет Статутот на ССМ во делот на регулативата за закажување конгрес. По овие информации во претседателството се разви дискусија во која беше потенцирано незадоволството што на ваков начин се носат  одлуки за свикување и одржување на највисокиот орган на ССМ.

Претседателството на СИЕР одлучи петите  работнички спортски игри да се одржат од 4-7 јуни оваа година во Охрид и формира комисија за организација на игрите. На игрите ќе бидат застапени истите дисциплини како и претходните години,  а синдикалните организации ќе можат веднаш да ги пријават своите екипи и број на учесници.