На 31.јануари работниците од Југохром го изразија своето незадоволство и разочараност од ситуацијата во која се наоѓаат со блокада на автопатот Скопје-Тетово кај наплатаната рампа Желино.

Со масовно присуство тие уште еднаш потсетија дека се колатерални жртви на состојбата во која ниту е подобрен квалитетот на воздухот во Тетово и тетовско, ниту фабриката работи, ниту тие можат да остваруваат основна егзистенција. Нивните договори за работа истекуваат на денот на протестот и неизвесноста дека поворно ќе бидат невработени е присутна.



Работниците бараа од надлежните да се дозволи фабриката да продолжи да работи со намален режим сé до завршување на системот за отпрашување, кој е во изградба. Главниот акционер, како потврда дека нема да се откаже од инестицијата, нуди и банкарски гаранции, но надлежните не покажуваат никаква заинтересираност за тоа. Затоа, останува товарот да падне повторно главно на плеќите на работниците. Тоа значи дека шетата ќе биде повеќекратна, бидејќи со останување без работа тие ќе паднат на товар на институциите, фабриката нема да остварува ни производство, а со тоа ниту извоз и девизни приливи во државата, па се поставува прашање дали акционерите ќе останат заинтересирани да ги вложат неопходните средства за изградба на филтрите, за да продолжат работите во иднина.

Протестот имаше добра медиумска покриеност, интерес за ситуацијата на работниците покажаа сите национални и локални медиуми. Останува и понатаму работниците да ги применуваат само средствата што им стојата на располагање: преку протести и блокади да потсетуваат на неодржливоста на нивната положба и да вршат притисок за разрешување на овој проблем.

Придружи ни се

Капитал Банка