Вработените на Еурокомпозит 11.Октомври од Прилеп, присилени од безизлезната состојба, по втор пат поставија шатори пред Владата на РМ. Првиот пат „кампирањето“ траеше два дена: шаторите се поставија на 1.Мај, а следниот ден, по средбата со премиерот Зоран Заев и добиените гаранции дека се работи на разрешување на статусот на претпријатието и на вработените, работниците си заминаа од Скопје.

Два месеци потоа, наоѓајќи се и понатаму во безизлезна ситуација, а особено заради неможност да им се исплаќа макар минимална плата месечно, тие одново ги поставија шаторите пред Владата. Овој пат се решени да истраат и да не си одат без готови решенија. Велат, на ветувања повеќе не веруваат.

 

Еурокомпозит 11.Октомври е наменска фабрика во целосна државна сопственост. За решавање на нејзиниот статус се чека веќе единаесет години, откако е ставена на списокот на „загубарите“. Во меѓувреме, распишани се единаесет неуспешни тендери, работниците побаруваат нето плати за повеќе од две години, а придонеси за цели шест години.

Доведени до крајот на издржливоста и егзистенцијалниот миниму, тие со горчина се прашуваат како е можно недомаќинското раководење и личните интереси на поранешните раководства да ги доведат до питачки стап и фабриката и вработените. Во таква состојба тешко им е да поверуваат дека е можна подобра иднина и успешно решавање на нивниот и статусот на фабриката. Речиси за секоја исплата на плата во последниов период се принудени да прават штрајкови и протести и постојано им е ветувано  дека решението е на повидок, потребно е трпение. Но од трпение тешко се преживува.

Во текот на вчерашното попладне, синдикалните претставници остварија средба со потпретседателот на Владата Анѓушев и со премиерот Заев. Се прават стратегиите како да се преживее во нередниве неколку месеци и по кој модел да оди решевањето на статусот. Владата е во фаза на избор на консултант, а се размислува за одредени опции на решавање.

Сепак, „гостите“ остануваат пред Влада.

Се повикуваат поголемите синдикални организации на СИЕР да покажат солидарност.

Придружи ни се

Капитал Банка