Вработените од Југохром Алзар по вторпат излегоа на протест, овој пат со блокада на една од најфреквентните раскрсници во Скопје, онаа кај Судската палата.

 

          

Работниците се загрижени за својата егзистенција. Неизвесноста за нив продолжува. Изминува еден месец откако печките се изгаснати, по решение на Инспекторатот за животна средина. Тие притискаат и на раководството, како и на државните институции, за да се продолжи со работа што е можно поскоро. За да алармираа за големината на својата мака, работниците на 24.ноември ја блокираа раскрсницата во Скопје во траење од еден час, а потоа се упатија кон Инспекторатот за животна средина, каде ги предадоа своите барања и предупредувања. Барањата на работниците се познати, и тоа

1. Да го задржат статусот на вработени во периодот на неработење, со користење на механизмот „принуден одмор„

2. Да се повлече одлуката за забрана за работење, а да се истражат вистинските причини за загадувањето на атмосверата во Тетово

3. Да продожи забрзано изградбата на системот за филтрација, за да нема повеќе причини да се псочува Југохром како најголем проблем за загадувањето.

       
Освен тоа, работниците предупредија дека не се монета за поткусурување во политичките игри во периодот пред изборите и надлежните треба најсериозно да ги земат во предвид нивните барања и аргументи. Најавија уште порадикални чекори, доколку не се слуша нивниот глас.

     

 

Придружи ни се

Капитал Банка