СИЕР НА СИТЕ СВОИ ЧЛЕНОВИ, ПРИЈАТЕЛИ И ПОДДРЖУВАЧИ ИМ ПОСАКУВА СРЕН И БЛАГОСЛОВЕН БОЖИЌ, ДОБРО ЗДРАВЈЕ, ПОВЕЌЕ РАДОСТИ И ПОМАЛКУ ГРИЖИ ДА СЕ РЕДАТ.

СИЕР НА СИТЕ СВОИ ЧЛЕНОВИ, ПРИЈАТЕЛИ И ПОДДРЖУВАЧИ ИМ ПОСАКУВА СРЕЌНА И УСПЕШНА 2020 ГОДИНА, ДОБРО ЗДРАВЈЕ, ПОВЕЌЕ РАДОСТИ И ПОМАЛКУ ГРИЖИ ДА СЕ РЕДАТ.

Воедно ве известуваме дека канцеларијата на СИЕР нема да работи во деновите на празниците, од 1. До 7.Јануари 2020. За итни потреби можете да се јавите на телефон 070/288-565 или 707/363-384

Советот на СИЕР ја одржа деветтата седница на 26.12.2019 година. На дневен ред беа активностите од вонредниот конгрес натаму и актуелните прашања и проблеми во синдикалните организации.

Претседателот Игор Ѓерасов го информираше Советот за преземените активности од неговиот избор. Тој нагласи дека сака да ги посети сите синдикални организации и да се запознае со синдикалните одбори и проблемите со кои се соочуваат. Оваа активност е започната и ќе продолжи во следната година. Исто така, се остварени први контакти со поединечни фабрики во Технолошко-индустриските развојни зони, бидејќи СИЕР мора да покаже иницијатива и да започне да организира дел од вработените.

Генералниот секретар Маре Анчева го информираше Советот за добиен проект од шведската фондација Олоф Палме кој ќе се реализира во 2020 година. Освен за содржината на проектот, таа информираше дека Олоф Палме е фондација која би можела подолгорочно да соработува со СИЕР доколку успешно го спроведуваме првиот проект што е усвоен и за кој се чека потпишување договор.

Членовите на Советот ги поздравија изнесените иницијативи и изразија спремност да се вклучат поактивно во посочените активности, како во врска со организирање нови членови, така и во врска со спроведување на проектот.

По работниот дел, членовите на Советот си посакаа меѓусебно и на сите членови на СИЕР добро здравје, повисоки плати и помалку проблеми во Новата 2020 година.

Игор Ѓерасов избран за претседател

На 25.10.2019 година се одржа Вонреден конгрес на СИЕР. На конгресот, од утврдени 104 учествуваа 99 делегати.

Со Вонредниот конгрес раководеше работно претседателство во состав: Душко Цветковски, Станка Димовска, Убавка Спасовска, Славица Јакимовска и Роберт Богданоски.

Утврдени кандидати за претседател и составот на работните  тела за Вонредниот конгрес на СИЕР

 Советот на СИЕР ја одржа својата 8-ма седница на 15.10.2019 година. Ревидирана е одлуката за Бројот и составот на делегатите за вонредниот конгрес, бидејќи е отстаранета техничка грешка. Конгресот ќе има 104 делегати, а синдикалните организации ги имаат доставено имињата на делегатите до СИЕР.

Во предвидениот рок пристигнаа четири кандидатури, односно предлози за претседател на СИЕР и тоа за Марјан Поповски, Игор Ѓерасов, Слаѓана Миливојевиќ и Дракче Димковски.

Советот ги потврди сите четири пристигнати кандидатури, така што Вонредниот конгрес ќе избере претседател помеѓу овие кандидати.

Освен тоа, Советот ги усвои Предлог-Измените и дополнувања на Статутот на СИЕР, како и Предлог-Деловникот за работа на Вонредниот конгрес. Од структурата на делегатите е определен и составот на работните тела на конгресот: работно претседателство, верификациона, кандидациона и изборна комисија, како и заверувачи на записникот.

Конгресот се одржува на 25.10.2019 во големата сала на Работнички дом на 12.кат со почеток во 11 часот.

Претседателството на СИЕР ја одржа 13-та, а Советот на СИЕР 7-та седница на 21.08.2019. Главна тема за расправа беше закажувањето на вонреден конгрес на СИЕР. Вонредниот конгрес ќе избере претседател на СИЕР за преостанатиот дел од мандатот, со оглед на тоа што претседателот Пецо Ристески ќе се пензионира.

Највисоките органи на СИЕР донесоа едногласни одлуки: Вонредниот конгрес на СИЕР ќе се одржи во Скопје, во големата сала на Работнички дом на 12.кат на 25.10.2019 година со почеток во 11 часот.

Според одлуката на Советот, Конгресот ќе има 103 делегати, од сите синдикални организации, согласно бројот на членови и износот на уплатена членарина во последните три години. Имињата на делегатите и предлозите за претседател на СИЕР синдикалните организации треба да ги достават до 10.октомври, а последната седница пред конгрес Советот ќе ја одржи на 15.октомври. Тогаш Советот ќе ги утврди кандидатите и работните тела за конгресот. Гости на вонредниот конгрес нема да се покануваат, освен претседателот на Сојузот на синдикати.

На дневен ред, покрај изборот на претседател на СИЕР, ќе бидат и измени и дополнувања на Статутот на СИЕР.